Pamja
Çka është Finabit AI
Finabit AI është lidhja mes Finabit-it të kompanisë dhe asistentëve ChatGPT ose Claude. Në vend që të hapësh raporte dhe forma, e pyet asistentin me fjalë të thjeshta, p.sh.:
Kush na ka borxh më shumë se 1.000 € dhe sa është mbi 90 ditë?
Asistenti thërret Finabit AI-në, që i lexon të dhënat direkt nga Finabit dhe kthen përgjigjen me numra, tabela ose grafikë.
Çka mund të bësh
| Shembull | |
|---|---|
| Lexim | Shitjet dhe blerjet, klientët dhe furnitorët, faturat e hapura, borxhet sipas vjetërsisë, kartelat, stoku, arka dhe banka, fitimi, bilanci, bruto bilanci, libri i shitjeve dhe i blerjeve, deklarata e TVSH-së |
| Regjistrim | Fatura shitjeje dhe blerjeje (edhe nga foto ose PDF), oferta, porosi, kthime, profatura, klientë dhe furnitorë të rinj nga ARBK, artikuj të rinj |
| Pagesa | Arkëtime dhe pagesa në arkë e bankë, të lidhura me faturën; importi i ekstraktit bankar |
| Korrigjim | Ndryshimi i dokumentit të papaguar, stornimi, heqja e një pagese të gabuar, mbyllja ose rihapja e dokumentit |
| Ndihmë | Pyetje "si bëhet" për Finabit, me linkun e faqes në help.finabit.com |
Si funksionon
Finabit AI lidhet me asistentët përmes protokollit MCP (Model Context Protocol); prandaj adresa mbaron me /mcp.
- Finabit AI lidhet me Finabit-in e kompanisë tënde.
- Ti e lidh ChatGPT-në ose Claude-in me adresën
https://mcp.finabit.com/mcp. - Herën e parë hyn me kompaninë, përdoruesin dhe fjalëkalimin e Finabit.
- Administratori i Finabit-it ta aprovon qasjen te Cilësimet › Siguria › Qasja në MCP. Pas kësaj lidhesh sërish dhe punon.
- Asistenti sheh vetëm kompaninë tënde dhe bën vetëm atë që ta lejojnë të drejtat e tua në Finabit.
Adresa
Adresa e Finabit AI është e njëjtë për të gjitha kompanitë:
https://mcp.finabit.com/mcpKompaninë e zgjedh në hyrje, me fushën Tenancy name: emri i kompanisë, i njëjti që e shkruan te Kompania kur kyçesh në Finabit Web. Pastaj shkruan përdoruesin dhe fjalëkalimin e Finabit.
Emrat në shembuj
Në këtë ndihmë kompania quhet KOMPANIA DEMO, dhe klientët, furnitorët, artikujt e shumat janë të shpikura. Te ju janë të dhënat e Finabit-it tuaj.